Bumbero todas sa kapwa bumbero
Patay ang isang bumbero nang barilin ng kanyang kasamahang bumbero na nagbaril din sa sarili kahapon ng umaga sa Navotas City. File
MANILA, Philippines - Patay ang isang bumbero nang barilin ng kanyang kasamahang bumbero na nagbaril din sa sarili kahapon ng umaga sa Navotas City.
Inisyal na nakilala ang mga nasawi na sina Roseller Felix, 47 at Orlando Narag, Jr. 36, magkasama sa fire brigade sa may Los Martinez St., Brgy. San Jose, ng naturang lungsod.
Sa inisyal na ulat ng Navotas City Police, dakong alas-7 ng umaga nang maganap ang insidente sa loob ng opisina ng dalawa sa may Brgy. San Jose.
Armado ng isang 12mm gauge shotgun, nagtungo sa lugar si Narag at hinahanap ang kapatid ni Felix na umano’y may atraso sa kanya.
Hinarap naman siya ni Felix na matalik na kaibigan ni Narag hanggang sa sumiklab ang pagtatalo sa pagitan ng dalawa.
Dito na pinaputukan ni Narag si Felix na nagresulta ng agad na kamata-yan. Nang makitang naliligo sa sariling dugo ang biktima ay nagbaril naman sa sarili si Narag na ikinasawi din nito.
Rumesponde naman ang mga tauhan ng Navotas City Police at inabutan ang bangkay ng dalawang fire volunteer. Patuloy naman ang masusing imbestigasyon ng pulisya sa krimen upang mabatid ang pinag-ugatan nito.
- Latest
