Nigerian, misis timbog P.5-M shabu itinago sa make-up

MANILA, Philippines – Dinakip ang isang Ni-gerian national at misis nito sa isang buy-bust ope­ration, sa Tondo, Maynila, kama­kalawa ng hapon.

Kinilala ang mag-asawa na sina Onyinchukuwu John Aneke, 35, isang Nigerian national, at Lorena, 35, isang Filipina, na naninirahan sa panulukan ng Eduque at Infanta Sts., Tondo

Sa ulat mula sa tanggapan ni Chief Insp. Francis Vargas ng Manila Police District-Anti-Illegal Drugs Special Operation Task Group (MPD-AID-SOTG), bandang alas 5:00 ng hapon isinagawa ang ope­rasyon at nang mabentahan ang poseur-buyer  ay sinalakay na ang tindahan.

Nang rikisahin, naka­rekober ang grupo ni Vargas ng shabu na itinago sa loob ng  Archie make up cream na ibinebenta ng mag-asawa .

Nasa 7 gramo ng shabu ang nilalaman ng bawat isang make-up cream na nagkakahalaga ng P500,000. Samantha Valmonte-trainee