Suplay ng baboy, manok sa Metro Manila sapat
MANILA, Philippines — Tiniyak ng Department of Agriculture (DA) na sapat ang suplay ng mga produktong baboy at manok para sa pangangailangan ng mamamayan ng Metro Manila hanggang sa matapos ang 2020 at hanggang Marso 2021.
Ayon kay DA Secretary William Dar, mahigit 213,500 baboy mula sa Visayas at Mindanao ang naipasok sa Metro Manila at kalapit lalawigan para punan ang malaking demand dito ngayong holiday season.
Dinala sa MM ang malaking bulto ng baboy dahil hindi pa maaaring makakuha sa Luzon dahil sa ASF incident at lockdown dahil sa Covid-19.
“Due to the ASF, the country’s pork inventory suffered at an alarming level, and the move to ship hogs from Visayas and Mindanao was a pre-emptive measure to arrest the worsening pork supply and prices in Metro Manila,” dagdag ni Dar.
Ayon pa kay Dar na kahit may pandemic at ASF, tumaas pa ng bahagya ang total volume ng baboy at manok ngayong Disyembre kumpara noong nagdaang taon.
- Latest
