Separation Anxiety ng Anak

Madalas inaabot ng isang linggo o higit pa ang paalaman moment sa pagitan ng anak at magulang sa mga first timer na bagets na pumapasok sa eskwelahan. Ito ang tinatawag na separation anxiety. Hindi kasi agad maka-adjust ang anak sa kanyang bagong paligid kaya ito balisa sa paghiwalay mula bahay at papuntang school.

Muling ipakilala ang teacher sa anak. Importante na may tiwala ang nanay sa guro. Kung papayagan ng teacher ay magdala rin ng bagay mula sa bahay na maaaring makapagpapaalala sa bata. Tulad ng paborito nitong teddy bear para hindi nito masyadong ma-miss ang bahay. Ibilin lang sa guro ang gamit para hindi rin mawala ang pinadala sa bata.

Kapag nagpaalam ang magulang sa bata, kailangang umalis ito agad. Dahil habang nagtatagal ang dramahan ng kiss and goodbye ay parang sinasabi sa bata na bad place ang kanyang school. Gawing cool at kakatwa ang pag-goodbye sa bagets. Huwag nang mag-istambay pa sa loob ng eskwelahan. Kapag hindi umiyak ang anak ay magbigay ng reward system sa bata bilang pag-congratulate o thumbs up dahil sa naging good boy or girl siya sa kanyang pagpasok sa eskwelahan na hindi ito umiyak.