Meneses igigiya ang EA Regen team

MANILA, Philippines - Naging isang mala­king achievement kay head coach Vergel Meneses ang pagkakapasok ng kanyang JRU-Air21 team sa nakaraang conference ng PBA D-League.

Kahit na hindi kala­kasan ang kanyang kopo­nan ay nagawa niyang ta­lunin ang mga mas pa­boritong koponan at na­ka­rating pa hanggang sa Final Four laban sa NLEX.

Maging sa laban sa NLEX ay nagawa nilang mabigyan ng maganda at mahigpitang laro  ang Road Warriors at umabot pa sa Game 3 ang ka­nilang serye.

Sa pagbubukas ng pa­nibagong conference, ay may bago na namang ko­ponan na hawak si Mene­ses  at ito ay ang EA Regen Medical Group.

Ito ang koponan na bin­uo ni sports patron Ma­yor Dennis Pineda sa pa­kikipagtulungan kina assistant coach Allan Tri­nidad, team manager Ar­chen Cayabyab at assistant team manager Charlie Chua.

Hindi tumigil si Pi­neda hang­gang sa nakum­binsi ni­ya si Meneses na ma­ging head coach ng team.

“Natutuwa naman ako sa tiwalang ibinigay sa akin ni Mayor Dennis. Ma­ganda ang line-up na na­buo namin, at sana nga, makagawa ulit kami ng magandang performance at sana’y umabot naman ako sa Finals,” sabi ni Me­neses.