Sofronio, bibida sa Asean gala!

Interesado si Sofronio Vasquez na mag-audition sa Kailangan Kita: An Ogie Alcasid Musical na mapapanood sa Newport Performing Arts Theater sa May 2027.

Isa raw kasi talaga sa dream project niya ang gumawa ng musical play. “I really wanted to do musical.

“Actually, I told Sir Ogie (Alcasid) that I wanna audition for Kailangan Kita,” pag-amin niya sa amin kahapon, sa intimate presscon para sa kanyang solo concert na magaganap sa Nov. 7, Sofronio Vasquez : Live In Concert na gaganapin sa Rockwell Proscenium, Makati – magigig guest niya sina Bituin Escalante, Jed Madela, Jona, Ogie Alcasid and Maestro Ryan Cayabyab.

“Of course I’m willing to audition. I’m willing to do everything.

“Ayoko naman nung ipi-pitch lang sa akin, wanna do it the hard way.”

Hindi naman aniya first time if ever na mag-audition siya sa Kailangan Kita... dahil nakapag-audition na siya sa ibang musical pero laging hindi raw natutuloy dahil for almost two years ay hectic ang schedule niya.

“May mga few audition, positive naman ‘yung iba... kaso medyo loaded kasi, sa awa ng Diyos, for two years loaded talaga, non-stop talaga akong nagtatrabaho.”

Samantala, si Sofronio rin ang aawit sa closing gala ng Association of Southeast Asian Nations (ASEAN) summits na may temang Navigating Our Future, Together na gaganapin sa bansa ngayong buwan.

Common knowledge na paborito siya nina Pres. Bongbong Marcos and First Lady Liza Marcos kung saan lagi siyang performer sa tuwing may mahahalagang okasyon sa Malacañang.

Actually, invited niya raw ang Pangulo at ang Unang Ginang sa kanyang concert sa Nov. 7 pero hindi naman daw siya nag-e-expect na manonood sila.

“They are very very supportive actually, I had a communication yata, parang they are trying to fix the schedule yata.

“But I’m not presuring them. I’m sure very busy sila, ini-imagine ko like si PBBM na very personal sa ASEAN showcasing the Philippines,” katwiran nito kung sakaling hindi manood sina PBBM at FL sa kanyang first ever concert na siya rin ang producer.

Anyway, grabe ang closeness nina Sofronio at Michael Bublé.

Kabilang sa Team Bublé si Sofronio na Season 26 winner ng The Voice USA at since then ay naging maayos na ang kanilang samahan.

In fact ang manager niya sa US ay si Michael ang nag-recommend sa kanya.

At nagbabalak nga raw si Michael na magkaroon ng Asian concert tour na of course ay kasama siya. “Yeah, we are planning, I mean he is planning actually to have an Asian tour again. So it’s been a while.”

Mga kailan ‘yan? “He told me the last time I had conversation with him, next year maybe.”

At in all fairness, regular ang communication nila “Oh yeah, I mean he would call me… he just called me.”

At alam din nito na may malaki siyang concert. “Alam niya. Always updated siya sa mga Instagram posts ko, ganyan, tapos ite-text niya ako.”

Mabait siya as a person?

“Yeah, I can proudly say that he loves me that much.”

At in all fairness ulit, kabilang siya sa mga pinakinig ni Michael ng kanyang latest album.

“This year, he made an album. I cannot say that much but the only thing I can say is I was the first few people who listened to all of the songs like he called me then nagtanong siya ‘how do you feel about my album?’

“He produced it or probably ‘yung record label niya lalabas na ‘yon this early of 2027. So ‘yun ‘yung tinuturo niya and very new sa pandinig, exciting kasi hindi usual Bublé ang maririnig natin kumbaga ibang iba. Maganda.”

Wala bang chance na makapag-record kayo ng song together?

“There’s always a chance. ‘Yung oras lang talaga like I was supposed to see him last week. Gusto lang niyang magpasama sa isang event.

 “Yeah, andun ako last week sa US pero nasa Nashville kami so nagkasalubong, LA siya, so Nashville. Tinawagan niya ako ‘San ka?’

“Para siyang Canadian version of Martin Nievera,” katwiran ni Sof sa kabaitan ng pop icon.

So parang kuya-kuya mo siya? “More of tatay and then very personal siya. ‘Nakita ko ganito, you should post more of this one, ganyan.

“Oh yeah like a 100 percent concerned. He’s really sweet. Mabait talaga siya. And then sinabi ko nga sa kanya ‘miss na miss ka na ng mga Pilipino’

“Kasi Philippines is one of the few countries na nagbigay sa kanya ng recognition na talagang sold-out concert siya,”  mahabang kuwento sa amin ni Sof na sold-out na ang ticket sa kanyang Nov. 7 concert.