Ellen, buntis na ba?

Ang sweet naman ni Derek Ramsay na ‘di nakalimutang batiin ang misis na si Ellen Adarna sa birthday nito.

“Happiest birthday Mrs Ramsay. My love is with you always,” caption niya sa kanyang birthday greeting sa misis na dinagdagan ng “Ganda mo!!”

Pinost niya ang litrato ng nanay ni Elias na wala namang duda ang ganda nito. Kahit nga raw walang ayos ay lutang pa rin ang ganda niya.

May netizen naman na bumati sa aktres na nakapansin na tila quiet daw lately ang asawa ng aktor na parang buntis na raw yata ito. Na sana nga raw.

Maaalalang sinabi ng mag-asawa na gusto nila ng Dragon baby at sinusukang magkaanak ngayong Year of the Dragon. Itinigil na rin ni Ellen ang pagve-vape bilang paghahanda sa kanyang pagbubuntis.

Noong December naman nakaraang taon nilantad ni Derek na nagkaroon ng miscarriage si Ellen noong magbakasyon sila sa Spain.

Hindi rin nga imposibleng makabuo sila lalo na’t nagbakasyon sila noong February sa Antarctica na siguradong kasama sa kanilang pamamasyal ang pagtrabaho sa kanilang baby. Bongga.