Dingdong, ‘di napapagod mag-aral
Very proud si Kapuso Primetime at ‘box-office’ King Dingdong Dantes sa kanyang pagiging navy reservist.
Natapos na rin niya ang Naval Combat Engineer Officer Basic Course sa Philippine Navy Seabees Headquarters.
Ayon sa Family Feud host, mahalaga para sa kanya ang makapaglingkod sa bansa bilang isang aktor, at bilang isang reservist.
Bilang isang reservist, masaya siya na makatanggap ng mga bagong training na makapagbibigay sa kanya ng mga kaalaman. “Well, isa sa mga privileges of being a reservist is the access to continuous education from the organization sa AFP. So puwede kaming pumili kung ano ‘yung mga training na puwede naming gawin as a reservist and mapalad ako na mapabilang ako doon sa class na ‘yun so nakuha ko ‘yung mga ganung klaseng learnings. So, tuluy-tuloy lang kasi siyempre learning should never stop kahit sa anong larangan man,” sey niya.
Sa kabila ng pagiging abala sa kanyang mga trabaho, nakakahanap pa rin siya ng oras para sa mga bagay na importante para sa kanya.
“Oo kasi talagang hilig ko talaga siya and passionate ako about these things kaya ginagawan talaga ng paraan pero siyempre mahalagang hindi mawalan ng oras para sa mahahalagang bagay kagaya ng trabaho at siyempre ang pinakamahalaga sa lahat ‘yung pamilya.”
Kapuso Star, ‘di hirap sa Bubble...
Halos mag-iisang taon na mula nang ipakilala ang Sparkada beauty na si Cheska Fausto bilang newest member ng award-winning at longest-running gag show na Bubble Gang.
Matatandaan na noong July 2023, kasabay sa paglipat ng timeslot ng show sa Linggo ng gabi, isa siya sa mga naging addition sa Bubble barkada.
Ayon sa Sparkle actress, kahit galing siya sa drama, madali ang adjustment na mapasama sa isang comedy program sa tulong na rin ng kanyang mga co-star.
Bukas nga raw sa pagtuturo ang seasoned comedians ng show tulad nina Direk Michael V., Paolo Contis, at Chariz Solomon.
Bukod sa Bubble Gang, napanood din siya sa Love Before Sunrise at Luv Is: Caught In His Arms.
- Latest
