Gabby, ‘di nagsasawang maging masama

Hindi raw nagsasawa na gumanap na kontrabida si Gabby Eigenmann.

After ng kanyang role as Commander Robinson sa Voltes V: Legacy, balik kontrabida siya sa one-month special ng Daig Kayo Ng Lola Ko: Captain Kitten kunsaan bida si Jillian Ward.

This time ay isang mad scientist na magiging aso si Gabby na makakalaban ni Captain Kitten. “I guess hindi tayo nagsasawa na maging kontrabida as long as it is well-written and maganda ‘yung back story ng character,” sey ni Gabby na kontrabida ulit sa bagong teleserye na Stolen Life na bida sina Gabby Concepcion, Carla Abellana at Beauty Gonzalez.

Michael, bff na ni Zephanie

Best friends nga raw ang Sparkle U stars na sina Zephanie at Michael Sager.

Inamin ni Zephanie na isa si Michael sa mahalagang tao sa buhay niya. “Michael Sager po is my best friend. Isa po siyang espesyal na tao sa buhay ko, na masasabi kong maraming na-contribute sa happiness sa parts ng life ko,” sey ng Kapuso singer tungkol sa Sparkada star.

Pero hindi pa raw sila dumarating sa next level ang pagiging magkaibigan nila. Mas importante raw sa kanila ni Michael ang career nila ngayon.

Oo naman, dahil mahirap sa kahit na sinong artista na may relasyon ang magsama sa iisang trabaho.

Eras tour ni Taylor Swift, pang-Hollywood film ang advance ticket sales!

Hindi pa man naipapalabas, kumita na in advance ticket sales ang concert film ng The Eras Tour ni Taylor Swift. Ayon sa official distributor na AMC Theatres: “It has surpassed $100 million worldwide in advance ticket sales.”

Sa Oct. 13 na ipapalabas sa 8,500 cinemas across 100 countries ang record-breaking stadium tour ni Taylor.

Dahil sa advanced ticket sales, assured na raw na isa ito na magiging isa sa biggest domestic debuts tulad ng Hollywood films na Barbie ($162 million), The Super Mario Bros. Movie ($146 million), Spider-Man: Across the Spider-Verse ($120 million), Guardians of the Galaxy Vol. 3 ($118 million) and Ant-Man and the Wasp: Quantumania ($106 million).