Nadine, limang taong ‘di nakita ang pamilya  

Five years na hindi nakita ng StarStruck Season 1 contestant Nadine Samonte ang kanyang pamilya na naka-base na sa Germany.
Nakadagdag sa lungkot pa ni Nadine noong magkaroon ng pandemic ng dalawang taon kaya hindi nakauwi ang kanyang ina at dalawang kapatid.
Kaya noong naging maluwag na ang pagbiyahe, sa Germany nag-celebrate ng Pasko ang kanyang buong pamilya para magkaroon sila roon ng family reunion.
Noong nakarating si Nadine, ang kanyang mister na si Richard Chua at ang kanilang mga anak na sina Heather, Titus and Harmony, hindi napigilan na maiyak ni Nadine noong makita nito ulit ang kanyang pamilya.
Post ni Nadine sa IG: “After five years. Finally. #BestHolidayEver, #ILoveYouSoMuchMyFam, and #ThankYouLord.
Sa Rosenheim, Germany ipinanganak at lumaki si Nadine at ang dalawang kapatid nito. Noong maghiwalay ang kanyang German dad at Filipina mom, inuwi sila sa Pilipinas ng kanilang ina. Naging TV commercial model si Nadine hanggang sa mapasama siya sa Star Circle Batch 10 in 2001 ng ABS-CBN kung saan kasabayan niya sina Bea Alonzo, Alfred Vargas at Dennis Trillo.
Noong 2003 naman, isa si Nadine sa original batch ng reality-artista search ng GMA na StarStruck.
Sa muling pagbalik ni Nadine sa Germany, kasama na niya ang kanyang pamilya habang namamasyal sila sa mala-Winter Wonderland na puntahan ng mga tourist sa Strasbourg.
Post pa niya sa IG: “A dream come true for me. Strasbourg you are just so perfect.”

Megan at Mikael, panay ang abroad

Sa Salt Lake City, Utah pinili ng mag-asawang Megan Young at Mikael Daez na magdiwang ng Pasko.

Gusto nga raw ni Miss World 2013 na isang White Christmas kaya naman pinost nito sa IG ang photos nila ni Mikael na may snow sa background.
Binanggit din ni Megan na pinanood nila ni Mikael si Lea Salonga na special guest sa Tabernacale Choir Christmas Concert at na-meet pa nila ito nang personal.
Sey pa ni Megan na nagchika pa sila ni Lea dahil pareho silang big fan ng Korean boyband na BTS.
Nasubukan naman daw nila ni Mikael na makakain ng pamosong Alaskan King Crab at mag-dine sa sikat na Mexican restaurant na Red Iguana.
Heto ang IG post ni Megan:
“Photo dump of our time in Salt Lake City.
“*Fofo experienced snow for the first time
“*Ate at Red Iguana which was recommended by EVERYONE
“*It was snowing like CRAZY. The weather went down to -12°C
“*Watched the Tabernacle Choir Christmas Concert with Lea Salonga as their special guest. we’ll share our vlog soon!
“*I had Alaskan King Crab for the first time!
“We had such amazing hosts in Utah. thank you so much for taking care of us!”
Katatapos lang pala ni Mikael sa Running Man PH kaya deserve raw nitong mag-holiday vacation kasama ang misis na si Megan.

Wonder woman star Gal Gadot, gaganap na evil Queen sa Snow White…

Habang hindi pa nagsisimula sa Wonder Woman 3, gaganap naman si Gal Gadot bilang ang Evil Queen sa live-action film ng Disney na Snow White and the Seven Dwarfs.
Ang naturang project ay para sa celebration ng 85th anniversary ng Snow White and the Seven Dwarfs na kauna-unahang animated film ng Disney na ni-release noong Dec. 21, 1937 na hango sa Brothers Grimm Fairy Tales.
On Instagram, pinost ng Israeli actress-beauty queen: “I’m so honored to be a part of this legacy and excited to bring this beautiful story to life in a whole new way! Thank you for being as excited as I am and sharing your art with me.”
Ang gaganap na Snow White ay ang West Side Story 2021 star na si Rachel Zegler.
I-announce naman ng DC Cinematic Universe na si Gadot pa rin ang gaganap na Wonder Woman kahit hindi na si Patty Jenkins ang magdidirek nito. Si Jenkin ang nagdirek ng Wonder Woman at Wonder Woman 1984.