Michelle nadiskubre na ang TIPMMG!

Natawa ako kay Michelle Ortega Pimentel, mother ni Ysabelle Ortega.

Imagine ngayon lang pala siya nakapanood ng Take It, Per Minute... Me Ganun, at talagang nag-subscribe raw siya agad sa Facebook page at YouTube channel ng Pilipino Star NGAYON.

Tawa raw siya nang tawa habang pinapanood kami nila Cristy at Mr. Fu.

At talagang ni-replay niya raw iyon ilang episodes.

Bongga ha, bakit ganun, akala ko pa naman alam ng lahat ang show natin Salve, bakit ngayon lang na discover ni Michelle?

Dapat pala talaga mas ingayan pa natin ang show natin every Tuesday 12 to 1 ng hapon sa Facebook at YouTube channel ng PSN (Pilipino Star NGAYON).

Dapat talagang mas marami ng blind items na pasabog ang gawin natin.

Nag-promise si Michelle na sasabihan niya ang friends niya na mag subscribe sa TIPMMG.

K actor na si So Ji-Sub kinababaliwan sa Sad Eyes

Natawa ako kay Rica Maceda dahil fan pala siya ng Korean actor na si So Ji-Sub.

Pareho sila ni Lynette Baldivino na in love sa sad eyes ni So Ji-Sub.

At talagang ask niya ang listahan ng filmography nito para panoorin lahat ha.

Talaga sigurong individual taste ang paghanga, kasi sa pelikulang Bali kung saan una kong napanood si So Ji-Sub ang guwapo niya at ang ganda ng role, pero na-addict ako sa kasama niyang si Jo In-Sung.

Ngayon ko nga lang talagang totally napansin ang mga quality ni So Ji-Sub kaya hinayang ako hindi ko siya pinuntahan sa Kia Theatre nang mag meet & greet  siya na ipinagyayabang nila Rica at Lynette na napanood nila.

Ang napansin ko talaga iyon very warm siya at approachable dun sa mga napanood kong concert niya sa TV. Marami ang kumalat na photos na nakipag selfie siya at very attentive sa mga fans na naghintay sa lobby.

Bongga nga kaya siguro lagi siyang may assignment at nagtagal siya sa kanyang posisyon sa top. Dahil nga siguro maganda ang PR at very talented, plus professional at walang nasalihan scandal.