AiAi tinuturuang maging professional ang ExB
Umarangkada na naman ang grupong Ex Battalion sa kanta nilang SingSing kung saan umabot na ito sa mahigit apat na milyong views sa YouTube.
Ang nasabing kanta ay official sound track ng pelikulang palabas na ngayon in theaters nationwide, ang Abay Babes ng Viva Films.
Aminado si Bosx1ne (Marky Maglasang) na malaki na ang nabago sa kanilang buhay-buhay. Gaya na lang ng dinudumog na sila ng mga fans kapag lumalabas sila ng bahay. Nakabili na rin siya ng dalawang sasakyan at may nakuha na siyang lupang pagtatayuan ng bahay mula sa talent fee ng kanilang mga projects sa tulong ng kanilang manager na si AiAi delas Alas. Napakabait daw nito sa kanila, pero sobrang higpit naman pagdating sa oras ng trabaho. Tinuturuan daw kasi sila nitong maging professional. Ganunpaman, pagdating sa kanilang music ay hands off si AiAi. Binibigyan sila nito ng kalayaan sa mga gusto nilang gawin.
- Latest
