TV5 may malaking project sa Holy Week

O, nag-launch na ang TV5 ng kanilang bagong io-offer sa mga Pinoy home viewer na tinawag nilang Studio 5 Original Movies. Pawang magaganda, piling-pili ang mga kuwento na pang-telebisyon na parang pelikula, kasi mga dekalidad na movie maker at artista, cinematography, screenplay, sound, production design, at iba pang mga sangkap ang inilagay.

Tuwing Martes ito ng 8 p.m. at grand finale ng Studio 5 Original Movies ang Bawat Sandali sa Feb. 25 nina Derek Ramsay at Angel Aquino. Sa totoo lang, naghahanda na ang TV5 sa kanilang pang-Holy Week presentation.

Misis ni Richard hindi nai-insecure

Hindi pala selosa ang asawa ni Richard Yap aka Ser Chief. Siguro ay dahil napakaganda naman kasi niyang babae, mabait, at marunong na sa kalakaran sa showbiz. Knows na rin niya ang “share your blessings” lalo ngayon at masuwerte ang husband niya sa sandamakmak na endorsements ng anik-anik na products at bale apat na ang itinayong negosyo nila ng ama ng tahanan sa Be Careful With My Heart.

Promise, walang kaproble-problema sa love life at finances si Ser Chief!