Babaing ‘Mahilig’

1. Nymphomaniac ang tawag sa babaeng matakaw sa sex. Satyriasis naman ang tawag sa mga lalaking sobra ang gana sa sex. Eh, bakit ang alam lang natin ay “nympho” at hindi ang “satyro” ? Kasi mas exciting pagtsismisan at itinuturing na ma­laking “scoop” ang  tungkol sa babaeng matakaw sa sex kaysa lalaking may ganoon din problema. Sa lipunang may double standard of morality, normal nang maituturing ang lalaking mahilig mambabae kaysa babaeng mahilig manlalaki.

2. Ayon sa mga kuwento noong unang panahon, ginagamot ang nymphomania sa pamamagitan ng pagpaligo ng malamig na tubig, bromide sedatives at clitoridectomy (pagtanggal ng clitoris).

3. Mula sa librong “Nymphomania, A History”, pinaniniwalaan ng mga doctor noong Victorian era na ang mga sumusunod ay nagiging dahilan ng nymphomania: Pagkain ng masusustansiyang pagkain, sobrang hilig sa chocolate, laging nag-iimadyin ng kalaswaan, pagbabasa ng mga nobelang may temang sex at madalas na masturbation na kung tawagin nila ay “secret pollution”.

4. Base pa rin sa nilalaman ng nabanggit na libro, ang ma­laking ulo ay indikasyon na matakaw sa sex ang isang tao.  Ayon sa mga Phrenologist, (espesyalista sa pag-aaral tungkol sa bungo ng tao) ang cerebellum (parte ng utak) na nasa likod ng ulo malapit sa may tenga ang responsable sa physical love at sexual attraction na nadarama ng tao. Kapag malaki ang cere­bellum, malaki rin ang bungo. At mas malaki ang cerebellum, mas marami itong iniisip/active ang isip hinggil sa sex.

5. Ngunit kinontra ang teoryang ito ng Encyclopedia of Psychology: Walang koneksiyon ang size ng bungo ng tao sa shape ng utak.

6. Ang terminong “nymphomaniac” ay hindi kini­kila­lang salita sa medical world. Sa halip ay ginagamit nila ang salitang “hypersexual” at “sexual addiction”.

7. Kadalasan, hindi ini-enjoy ng mga nympho ang sex. Nakikipag-sex lang sila upang ma­kalimutan sandali ang kahihiyang idinudulot nila sa kanilang sarili; walang magawa, just to kill time at pantanggal ng lungkot.