Pag-aaral tungkol sa sex

Ito ang mga nilalaman ng mga bagong pagsusuri tungkol sa sex:

Ang taong nakikipag-sex ng 3 beses bawat linggo ay mas hindi inaatake sa puso at na-i-stroke. Oo, posibleng makahaba ng buhay ang sex, lalo na kapag nagpa-practice ka ng safe sex.

Kapag itinaas mo ang iyong pagse-sex, mula sa isang beses bawat buwan at ginawa mong isang beses bawat linggo, mas tataas ang kasiyahan mo sa buhay.

Sa kabilang dako, ang unsafe sex, o iyong pagtatalik sa maraming partner ay puwedeng magbawas ng 6 na taon sa iyong buhay. Ito’y dahil sa peligro ng sexually-transmitted diseases.

Ayon sa isang pagsusuri sa Japan, ang mga lalaking nakikipagtalik sa hindi nila asawa ay mas nagkakaroon ng stroke. Ang stroke ay ang pagbabara ng ugat sa utak at napaparalisa ang katawan.

Ang mga babaeng nag-e-enjoy sa sex ay mas humahaba ang buhay kumpara sa mga hindi nag-e-enjoy.

Kailangan ng babae ng mas mahabang foreplay o iyong matagal na preparasyon bago mag-sex at orgasm.

Ito ang nangyayari sa katawan habang nagse-sex. Bumibilis ang tibok ng puso. Lumalaki ang pupils (iyong itim sa gitna ng mata). Bumibilis ang paghinga at lumalaki ang butas ng ilong. Bumubuka ang daanan ng pawis (sweat glands). Lumalaki ang suso ng babae ng 25% at ang utong (nipples) ay humahaba ng kalahating pulgada. Dumadami rin ang daloy ng dugo sa labi, ilong at sexual organs.

Ang pagtatalik ng 5 minuto ay nagtatanggal lang ng 20 calories sa ating katawan. Ngunit ang pagtatalik ng 30 minuto ay nag-aalis ng 200 calories. Mas maraming ehersisyo ang makukuha sa matagal na pagtatalik.

Para malaman kung kaya mong mag-sex, subukang umakyat ng dalawang floors. Kapag hiningal ka pagdating sa itaas, ibig sabihin ay kulang sa kondisyon ang iyong katawan, at baka mahirapan ka sa sex. Pero kung balewala sa iyo ang dalawang  floors, puwedeng-puwede ka sa sex.

Ang pagmamasahe ng paa ay nakatutulong sa sex. Nakaka-excite ito sa babae. Ang iba pang lugar na nagpapa-excite ay ang batok, daliri, nipples at sexual organs.

Para ganahan sa sex, kailangan matahimik na lugar at maganda ang paligid. Ayon sa pagsusuri, baka makatulong din ang tsokolate, kape, at amoy ng baby powder sa sex drive. Puwede itong subukan. Good luck.