Parak utas sa ambush

MANILA, Philippines — Dead-on-the-spot ang isang pulis nang ito ay pagbabarilin ng mga hindi pa kilalang suspek sa highway ng Brgy. Taluntalunan, Makilala, lalawigan ng Cotabato nitong Huwebes.

Kinilala ang nasawing pulis dahil sa mga tinamong tama ng bala sa katawan na si P/Staff Sergeant David Lopez De Jose na nakadestino sa Makilala Municipal Police Station.

Sa ulat, minamaneho ng biktima ang pick-up type na multicab at binabaybay ang nasabing highway nang dikitan siya ng mga suspek na lulan ng kotse na kulay berdeng Toyota Vios na may plakang MJT 3782 at pagbabarilin.

Nang masigurong napatay ng mga suspek ang biktima ay mabilis na tumakas ang mga ito.