Vendor inatado ng saksak ng biyenan, dedo
MANILA, Philippines — Idineklarang dead on arrival sa ospital ang isang 42-anyos na vendor nang ataduhin ng saksak ng sariling biyenan sa Tondo, Maynila, kamakalaw ang gabi.
Kinilala ang nasawi na si Domingo Cinco y Fenellere, alyas “Andy”, residente ng No. 168 San Pedro St., Balut, Tondo, Maynila.
Nakatakas naman ang suspek na kinilalang si Forodencio Tupada, 63.
Sa ulat, dakong alas-3:15 ng madaling araw ng Mayo 9 ay nakita pang nag-iinuman ang magbiyenan sa labas ng kanilang bahay nang mauwi sa pagtatalo ang pasaring umano ng biktima sa suspek.
Naawat pa ng mga kaanak ang pag-aaway ng dalawa hanggang sa pumasok na sila ng bahay para magpahinga.
Hindi nagtagal ay lumabas muli ng bahay ang biktima at natulog sa nakaparadang tricycle sa labas na lingid sa kaniya ay nakasunod ang suspek na armado na ng patalim at sinaksak siya habang natutulog.
- Latest