3 preso sa Albay pumuga habang nasa quarantine
MANILA, Philippines — Tumakas ang tatlong preso nang samantalahin ang pagsasailalim sa kanila sa quarantine procedure sa labas ng kanilang mga selda sa Polangui District Jail sa Brgy. Basud, Polangui, Albay noong Martes ng umaga.
Kinilala ang mga tumakas na sina Richard Balang Marabe, 27, residente ng Brgy. Alnay at may kasong iligal na droga; Joseph Audie Francisco, 29; at Noelito Ardiente Otto, 42, pawang may kasong pagnanakaw at residente ng Brgy. 24, Rizal Street, Legazpi City.
Sa ulat ni Jail Senior Inspector Freddie Caballero sa Albay Police, dakong alas-10:35 ng umaga habang nasa proseso ng kwarantina sa labas ng selda ang mga preso nang biglang pumuga ang tatlong suspek sa pamamagitan ng pag-akyat sa bakod ng jail.
Nagsagawa ng hot pursuit operation ang mga otoridad at maghahatinggabi nang masakote nila si Marabe habang nagpapahinga at natutulog sa isang kubo sa gitna ng palayan.
Nagpalabas ng tig-P10,000 reward money sa publiko ang Bureau of Jail Management and Penology para sa makapagtuturo sa kinaroroonan nina Francisco at Otto.
- Latest