LVPI inamin ang pagkukulang

MANILA, Philippines — Kung ang Larong Volleyball sa Pilipinas, Inc. (LVPI) ang tatanu­ngin, ang kakulangan sa prepa­rasyon ang na­ging ugat kung bakit kinapos ang national women’s team sa nakaraang 30th Southeast Asian Games.

Kinulang ang pamba­to ng Pinas sa inaasam na pagtuldok sa 14-year medal drought sa wo­men’s indoor volleyball event ng biennial meet nang takasan sila ng Indo­nesia sa bakbakan para sa bronze medal, 20-25, 26-24, 14-25, 25-20, 14-16.

Aminado si LVPI board chairman at nation­al team program head Peter Cayco na talagang kulang ang oras na inilaan ng Nationals para mas maging intact at buo ang tropa dahil na rin sa kani-kanilang obligas­yon sa mga mother clubs nila.

“They lack the time to jell together. Kulang ta­laga, kulang ng time. Talagang hindi ko sila ma­sisisi, hindi naman sila puwedeng mag-practice twice a day, mabu-burnout iyan,” sabi ni Cayco. “Hindi mo puwedeng puwersahin naman eh. And with their contractual obligations. Ipit sila talaga. Maski gusto nila, wala si­lang magawa eh.”

Isa rin sa nakikitang prob­lema ni Cayco ang pagkakasabay ng sche­dule ng Premier Volley­ball League (PVL) at ng Philippine Superliga (PSL) na pahirap sa natio­nal team members.

Gagawa ng paraan ang LVPI para magkasundo ang dalawang liga at ang una sa kanilang plano ay ayusin ang pla­ying calendar ng mga ito.

Pipilitin din nilang mai­tuloy ang isang ‘crossover’ event kung saan papayagan nilang maglaro ang mga miyembro ng national team sa parehong liga bilang bahagi ng paghahanda at pagsasanay.