Sinagasaan ni NorthPort small forward Sean Anthony ang depensa ni Jackson Corpuz ng Columbian.
PBA Images
Ginawa lahat ni Sean Anthony
Russell Cadayona (Pang-masa) - October 7, 2018 - 12:00am

MANILA, Philippines — Ginawa na ni veteran small forward Sean Anthony ang lahat para maipanalo ang NorthPort.

Kumolekta ang 6- foot-2 na si Anthony ng 25 points para tulungan ang mga Batang Pier na banggain ang Columbian Dyip, 118-101 para sa kanilang unang panalo sa 2018 PBA Governor’s Cup kahapon sa Ynares Center sa Antipolo City.

“It’s huge. We can’t afford another lost,” sabi ng 32-anyos na Fil-Canadian na nagdagdag ng 9 rebounds at 6 steals para sa koponan ni coach Pido Jarencio. “We’ll take it one game at a time.”

Umiskor sina Stanley Pringle at Moala Tautuaa ng tig-26 points habang may 13 markers si import Rashad Woods.

Bumangon ang NorthPort mula sa 11-point deficit sa third period para makasama sa win column sa kanilang 1-6 record habang nalasap ng Columbian ang pangwalong sunod nilang kamalasan.

Matapos kunin ng Batang Pier ang 53-50 abante sa halftime ay kumamada ang Dyip sa likod nina Jerramy King, Jackson Corpuz at import Akeem Wright para iposte ang 73-62 kalamangan sa 6:52 minuto ng third quarter.

Nagawa itong maputol ng NorthPort sa pagsasara ng nasabing yugto, 86-89 hanggang maagaw sa Columbian ang 93-89 bentahe sa pagsisimula ng fourth period.

Huling nakatabla ang Dyip sa 93-93 mula sa basket ni King bago mag-hulog ang Batang Pier ng 23-1 bomba sa pangu-nguna nina Anthony at Stanley Pringle para ilista ang 116-94 abante sa hu-ling 2:02 minuto ng laro.

Samantala, target ng nagdedepensang Barangay Ginebra ang kanilang pang-pitong panalo sa pagsagupa sa Meralco ngayong alas-6:45 ng gabi matapos ang bakbakan ng Blackwater at Rain or Shine sa alas-4:30 ng hapon sa Sta. Rosa Multi-Purpose Complex sa Sta. Rosa, Laguna.

Hangad ng Gin Kings na makalapit sa isa sa apat na ‘twice-to-beat’ incentives na ibibigay sa No. 1, 2, 3 at 4 teams sa quarterfinals.

SEAN ANTHONY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with