Asong Palaboy sa Chile, Ginagawang Crime Fighters!

Libu-libong mga aso na nakatira sa mga kalye ang natulungan ng Chilean city of Quilpué sa Chile.

Nag-organisa sila ng isang espesyal na training program kung saan mabibigyan ang mga aso ng oportunidad para ‘makasama’ sa local police force at tawaging professional crime fighters.

Sa nasabing programa ay matiyagang tinuturuan ng mga trainors ang mga aso.

Alam natin lahat na mas mahirap turuan ang mga asong matanda na dahil mayroon na silang kinalakihan na ugali kaya naman marami ang suma­ludo sa Chilean city dahil sa tiyaga nilang ipinakita para turuang maging disiplinado ang mga aso.

Tiyak na malaki ang maitutulong ng hakbang na ito sa kanilang komunidad dahil bukod sa nababawasan ang mga aso na palaboy na maa­ring magkalat pa ng rabis, ay madadagdagan pa ng makakatulong ang mga pulis sa pagsugpo ng krimen.