Panahon ng pagkakaisa ng buong pamilya

Lahat ay nakararamdam na biglang umikot ang mundo at kawalan ng kontrol. Ang pandemic na tumama sa mundo ay mas nagpapahirap sa mga nakalipas na linggo, ngunit nagtutulak sa ating na matutong magpakumbaba.

Anoman ang personal na iniisip, bilang isang bansa maging ang buong mundo, at bawat isa sa pamilya ay naapektuhan ang ating tahanan. Sarado ang mga eskuwelahan. Hindi makapasok sa trabaho. Lahat ng normal na nakasanayan ay cancel din. Ang mga sanggol, nakatatanda, o mahina ang resistensya ay high risk na nagkasakit.  Ang totoo ay walang excempted.

Walang nakakaalam kung ano ang puwedeng mangyari at kung hanggang kailan ito matatapos.

Lahat ay nakararamdam ng takot sa mga bagay na walang kasigaraduhan at lalong wala sa ating mga kamay ang mga posibleng masamang mangyari.

Ang good news ang bawat tahanan ay nanatili pa ring buo, matatag, at magkakasama. Ngayon ang panahon na magkaisa na matutong manalangin at tumi­ngin sa Panginoon. Manampalataya sa Diyos ngayong mahirap na sitwasyon.

Tuloy ang buhay sa kabila ng mga panganib. Ang maganda, ang bawat miyembro ng pamilya ay may pagkakataon na manghingi ng tawad sa kanilang mga nagawa. Upang maging maayos ang pagsasama at ma-enjoy ang extra time kapiling ang mga anak at asawa.