Kinita sa MMFF, hinihintay na!

Happy Three Kings, Salve A., It’s January 6.

Today ends our celebration of Christmas. Bukas, January 7 naman ang last day ng Metro Manila Film Festival (MMFF) 2018.

Will we finally get the exact figure ng kabuuang kinita ng walong entries sa MMFF 2018? This early kasi, hinuhulaang ‘di aabot ng P1 billion na tulad ng hinahangad ng MMFF Executive Committee. And, of course, ng mga taga-showbiz itself.

In any case, agree ka ba, Salve A., sa pinaka­wa­lang statement ni Senate President Tito Sotto, who still should know showbiz, yes, local showbiz, like the palm in his hand, na kulang sa promo ng ilang MMFF entries, kaya, ‘di ang mga ito gaanong kumita?

Well, negosyo ang showbiz, kaya, like all other businesses, kailangan nilang malaman kung paano nila ibebenta ang kanilang pro­duct. “product”.

Although we also agree sa observation ng mga manonood, masyadong nagmahal ang admission price, kaya mas mabuting mamasyal na lang.

Rainbow’s Sunset pinipilahan pa rin

In fairness, sa pamamasyal namin ng aking assistant na si Dang Tandel last Friday, (January 4), na-observe naming mahaba ang pila ng mga manonood ng Rainbow’s Sunset, which is common know­ledge na siyang nanalo ng pinakamaraming awards MMFF 2018 Gabi ng Parangal. Na inayunan ng takilya sa Gateway Mall theater in Quezon City.

A Heaven’s Best Entertainment Production, a film firm owned by former child actress Harlene Bautista, ilan sa mga award na nakuha ng Rainbow’s Sunset ay ang Best Picture, Best Actress (Gloria Romero), Best Supporting Actor (Tony Mabesa), Best Supporting Actress (Aiko Melendez) and Best Director (Joel Lamangan), plus Best Story and Screenplay (Eric Ramos) and special jury awards for Eddie Garcia at Max Collins.

Keep up the good work, Harlene.

Neri tatlo na agad ang bakery

Naaalala mo pa ba si Neri Naig, Salve A.? Produkto siya ng Star Circle Quest (SCQ) 2005.

Kasal na ngayon si Neri kay Chito Miranda, head ng bandang Parokya Ni Edgar. May anak na rin sila at isa na siyang negosyante.

She ventured into the bakery business. Tatlo na ang bakery ni Neri ngayon na ang isa ay matatagpuan sa Tagaytay.

 “Mompreneur” ang tawag ni Neri sa sarili dahil isa na siyang mom at entrepreneur.

Chito, Neri said, is a big help, as he is the one encouraging her to do better. Halos lahat din ng bakery equipment niya ay regalo ni Chito.

“Iba talaga,” sabi niya, “If you have a good and caring husband. And an ideal father sa anak n’yo.”

Hero patok na transgender

Isa pang Star Circle Quest product ay si Hero Angeles.

Nakilala rin si Hero sa showbiz since naging ka-loveteam niya ang ngayon kilalang popstar na sa Korea, ang Korean born na si Sandara Park.

Nag-quit si Hero sa showbiz nang magpasya siyang tapusin ang kanyang pag-aaral sa UP.

For a time, after graduation, he chose to concentrate in his art work and did well.

Samantala, kasalukuyan nating napapanood si Hero gabi-gabi bilang transgender friend ni Yen Santos sa trending series na Halik, tinatampukan din nina Jericho Rosales, Yam Concepcion, Christian Bables, Amy Austria-Ventura, Almira Muhlach at Sam Milby.

Mapapanood na rin sa naturang serye si Daniel Matsunaga.

Of course, nasa cast din ng Halik ang magkaibigan sa tunay na buhay na sina Romnick Sarmenta at Cris Villanueva. Direction: Carlo Po Artillaga and Cathy Camarillo.