Vice isinugod sa hospital
Sumakit lang pala ang tiyan ni Vice Ganda kaya isinugod ito sa hospital the other night.
Maraming nag-aala na baka kung ano na ang sakit ni Vice. Pero ayon sa special friend niyang si Bernard Cloma, nakauwi kaagad ang phenomenal box office star at naka-attend na nga ng It’s Showtime kahapon.
Inamin kamakailan ni Vice na may tube pa siya sa katawan matapos maoperahan sa kidney. Nauna na ring inamin ni Vice na nakakaranas si anxiety attack.
“Malakas na naman si mother horse!!! Hiiiyyyaaaahhhh!!!!!,” ang tweet niya kahapon ng tanghali pagkalabas ng hospital.
Dating bold star na si Brigette De Joya arestado
Ibang-iba na ang hitsura ng dating Seiko Film star na si Brigitte de Joya na naaresto kahapon kasama ang kanyang live in partner matapos makunan ng walong sachet ng diumano’y shabu, improvised tooters at iba pang gamit sa pagdo-droga.
Nahuli ito ng Pampanga Provincial Drug Enforcement Unit, San Fernando Police Station at Special Weapons and Tactics ayon sa report ng ABS-CBN.com.
Michelle Comstock ang tunay na pangalan ni Brigette na kahit paano ay nakilala noon sa paghuhubad at kasama sa kanyang mga naging pelikula ang Kangkong at Hugot.
Matagal nang walang balita sa nasabing bold star na maaalalang nagsampa ng reklamo noon ng umano’y pambugbog ng ka-live in niya na bold starlet din na si Miguel Moreno.
- Latest
