Dili na mangayo og share sa kabilin

Dear Atty. Divine,

Ang among mga ginikanan adunay kabilin nga yuta sa probinsya. Duha ra mi ka magsuon og ang usa atua na magpuyo sa gawas sa nasud. Patay na ang among mama ug papa ug karon, nagplano unta mi nga i-transfer na ang titulo sa yuta gikan sa pangan sa among parents ngadto sa among pangan. Apan ang akong igsuon miingon nga dili na siya mangayo og share sa yuta ug iya kining ihatag kanako ang tanan. Ang akong pangutana kun mamahimo ba nga di nalang mangayo og bahin ang akong igsuon? Unsay dokumento nga iyang pirmahan aron mamahimong legal ang iyang paghatag kanako sa iyang share? Daghang salamat.

Lucia

* * *

Dear Lucia,

Yes, basi sa Article 6 sa Civil Code of the Philippines, mamahimong mo waive ang imong igsuon sa iyang share sa property nga kabilin sa imong parents basta ang iyang pag waive wa mosukwahi sa balaod ug boluntaryo sab kini niyang buhaton. Aron mamahimong legal ang iyang pag waive sa iyang katungod sa yuta, mamahimo siyang mopirma sa Extrajudicial Partition with Waiver of Rights sa iyang share. Kinahanglan nga notarized ang maong dokumento ug mao unya kini ang imong i-submit sa Bureau of Internal Revenue kon BIR once mobayad kana sa estate tax aron ang kinatibuk-ang yuta mabalhin na sa imong pangan. Thank you and God Bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.