Lady Altas balik sa porma
MANILA, Philippines — Apat na sets ang kinailangan ng University of Perpetual Help System DALTA para kalusin ang Mapua University, 25-20, 26-24, 20-25, 25-20 sa NCAA Season 99 women’s volleyball tournament na nilaro sa Filoil EcoOil Centre kahapon.
Naka-rebanse ang Lady Altas mula sa pagkabigo kontra Colegio de San Juan de Letran para mapaganda ang karta sa 2-1 habang nalasap ng Lady Cardinals ang pangalawang talo sa tatlong salang.
Matapos yumuko sa third frame, lumabas ang bangis ng Las Piñas-based squad sa fourth set upang tapusin ang Lady Cardinals.
Pinamunuan ni Mary Rhose Dapol ang opensa para sa Lady Altas matapos itarak ang 20 points mula sa 19 attacks at isang service ace kasama ang 11 digs at 10 receptions.
Bumakas din si Shaila Omipon ng 16 markers habang nagtala si Camille Bustamante ng walong puntos para sa Lady Altas.
Si Freigh Anne Garcia ang nanguna sa iskoran para sa Mapua sa nilistang 21 markers habang 16 ang kinana ni Roxie Dela Cruz.
Sa unang laro, itinarak ng defending champions College of Saint Benilde ang 25-13, 23-25, 25-13, 25-14 panalo kontra San Sebastian College.
Nanguna sa puntusan si Wielyn Estoque para sa Taft-based squad sa itinalang 11 points para iposte ang four-game winning streak at masolo ang liderato sa team standing
- Latest
