Ivana dunay inspirasyon
CEBU, Philippines — Giangkon ni Ivana Alawi nga dunay nagpapitik sa iyang kasing-kasing karong panahona apan dili pa siya andam mohatag og kinatibuk-ang detalye kalabot sa maong tawo.
Nahisgotan niya ang maong butang atol sa iyang latest vlog kauban ang aktres nga si Bea Alonzo .
Si Bea maoy nagbukas sa maong topic busa napugos og tubag si Ivana.
MUP-Cebu P2M nagpaabot sa rayna
Gipaabot nga magmaya og taman ang mahimong rayna sa umaabot nga Miss Universe Philippines -Cebu 2024 gumikan kay moabot og P2 million nga total sa premyo nga gilangkoban sa cash , gift certificates ug uban pa ang nagpaabot niini.
"Stay tuned as we share all the details in our next posts, rewriting the pageant history with prizes like you have never imagined and witnessed before," tipik sa social media post sa maong indigay.
Ang MUP-Cebu maoy dugang prestihiyosong indigay nga nisulbong alang sa mga Sugbuanon nga nailhan isip mga banggiitan sa natad sa indigay.
Mahitabo kini karong Pebrero 3, 2024 ug gihuptan kini sa mga tang-an sa maong industriya nga sila si Danny Booc, Irma Payod-Bitzer, ug Jocelyn Tagulao.
Dili kapoyon sa paghigugma
Gipublikar ni Khalil Ramos ang iyang sweet birthday message ngadto sa iyang uyab nga si Gabbi Garcia kun diin gipabuhagay niya kun unsa ka espesyal sa iyang kinabuhi ang aktres . Matud pa ni Khalil nga dili gyud siya kapuyon sa paghigugma kang Gabbi.
“I appreciate who you are, and everything that you have done for me. Thank you for sharing your life with me, my love. I will forever be proud of you, and I will never get tired of telling the world how lucky I am to have you as my partner. I love you!!” nagkanayon si Khalil. Motungtong na og pito ka tuig ang ilang relasyon karong Pebrero.
- Latest
