Gilas nanulong na sa China, Asiad gold ang tirada

CEBU, Philippines — Ang Gilas Pilipinas mibiyahe na ngadto sa China pipila ka adlaw sa dili pa nila sugdan ang ilang kampanya sa Asian Games basketball event.

Milarga sila padung sa Shanghai kagahapon sa buntag, duha ka adlaw sa dili pa nila sangkaon ang Bahrain national team.

Mikuyog uban sa team sila si Arvin Tolentino, CJ Perez, Marcio Lassiter, Chris Ross ug Kevin Alas sigun sa hulagway sa Philippine Sports Commission.

Anaa sab sila Calvin Abueva, Mo Tautuaa, Terrence Romeo ug Jason Perkins.

Ang Sugbuanong si June Fajardo, Japeth Aguilar, Calvin Oftana, Chris Newsome, Scottie Thompson ug ang duha ka naturalized players nga sila si Justin Brownlee ug Ange Kouame maoy nagkumpleto sa 12-man Gilas lineup alang sa torneyo nga mahitabo kausa lamang sud sa upat ka tuig.

 Gold medal ang tirada sa Gilas nga nanulong sa China apan ang team naporma pipila lamang ka semana sa dili pa ang kompetisyon. Kausa ra gani sila nakapahigayon og tune-up game.

Ang Gilas mitapos sa ikalimang dapit sa miaging 2018 Asian Games didto sa Indonesia.