FIBA World Cup

CEBU, Philippines —  US segurado na sa q'finals, Latvia mipakurat sa Spain Giablihan sa Team USA ang ilang kampanya sa ikaduhang hugna pinaagi sa 85-73 nga pagpakaging sa Montenegro nga gipangulohan ni NBA star Nikola Vucevic sa 19th FIBA World Cup niadtong Biyernes sa gabii didto sa Mall of Asia Arena sa Pasay City.

Sila si Anthony Edwards sa Minnesota Timberwolves, Austin Reaves sa LA Lakers, ug Jaren Jackson Jr. sa New York Knicks maoy mibida sa ikaupat nga sagunson nga daog sa gamhanang Amerikano nga puwersa.

Si Edwards mihipos og 17 puntos samtang sila si Reaves ug Jackson nagkumboya'g 23 puntos.

“I thought Montenegro was fantastic, that’s really a well-coached team, they have a game plan, everybody knew their roles and they executed and got 20 to 22 boards and tried to pound us inside,” matud pa ni US coach Steve Kerr agi'g pagdayeg sa mga Montenegrins.

“But I’m proud of our guys even if it’s not our night offensively. But these games are gonna happen and you have to be able to fight through them and I thought guys did a great job of that,” dugang pa niya.

Ang US makigsangka sunod batok sa Lithuania, nga 4-0 na sab human gilampaso ang Greece, 92-67.

Si Vucevic mipupo og 18 puntos, 16 ka rebounds ug duha ka blocks alang sa Montenegrins, nga natagak sa 2-2 ug wala nay tsansa nga makamedalya.

Didto sa Smart Araneta Coliseum sa Quezon City, ang Italy mipakurat sa Serbia, 78-76, samtang ang Dominican Republic nakatilaw sa una nilang pilde human gibuntog sa Puerto Rico, 102-97.

Sa ubang mga duwa, ang Latvia mipakurat sa defending champion Spain, 74-69, didto sa Jakarta, Indonesia, samtang ang Germany milampornas sa Georgia, 100-73, ug ang Slovenia ni Luca Doncic mipaksit sa Australia, 91-80, didto sa Okinawa, Japan.--Emmanuel B. Villaruel

Team Jordan daog dayon  sa Sniper Basketball Club

Gisubhan dayon og daog ang team Jordan dihang ilang gilubong ang String Ray, 78-65 sa una nilang duwa sa Sniper Basketball Club tournament niadtong Miyerkules diha sa JnJ gym sa Calero, Liloan.

Gipangulohan ni Dimple Mata ang daog pinaagi sa iyang 10 puntos.

Ang co-founder nga silang Richard Jordan, kinsa mao sab ang kasamtangang presidente sa maong ballclub ug si Gene 'Coach' Pellejera parehong miiskor og nuybe puntos sa Team Jordan nga maoy nidominar gikan pagsugod hangtod nahuman ang duwa.

Nuybe puntos sab ang naiskor nilang Marlon Mendoza ug Mapulo alang sa koponan nilang Richard Jordan ug Dr. Raul Monterroyo nga maoy co-team manager.

Ang mga duwa gipadagan ni commionner Ben Mejares.