Clarkson gi-agak ang Jazz batok sa Wizards

CEBU, Philippines — Ang Fil-Am nga si Jordan Clarkson migiya sa Utah Jazz ngadto sa 120-112 nga pagpayaka sa Washington Wizards, 120-112, sa NBA kagahapon didto sa Vivint Arena sa Salt Lake City, Utah.

Si Clarkson mitapos uban ang 23 puntos, pito ka rebounds,tulo ka assists ug usa ka steal aton tabangan ang Jazz pagkadlit sa ika-19 nilang daog ning season.

Mikuha sab og atensiyon si Malik Beasley nga miratsada og 25 puntos ingon man si Lauri Markkanen nga miamot og 21 puntos, lima ka rebounds ug usa ka assist alang sa Jazz.

Ang Jazz miwani sa Wizards sa ikatulong kuwarter, 33-24, nga maoy nahimo nilang yawe ngadto sa kadaogan.

Si Bradley Beal mitali og 30 puntos ug lima ka assists sa pilderong Wizards.

Sa laing duwa, si CJ McCollum mipabuhagay og 40 puntos, walo ka rebounds, ug siyam ka assists sa dihang gi-ihaw sa New Orleans Pelicans ang San Antonio Spurs, 126-117, didto sa Smoothie King Center.

Ang Pelicans nagkupot na karon og 19-12 nga baraha samtang ang Spurs nahagsa sa 10-21.