Mavericks pinaamo ang Timberwolves
DALLAS — Nagsumite si guard Luka Doncic ng 15 points at 10 assists para igiya ang Mavericks sa 110-108 pagtakas sa Minnesota Timberwolves sa agawan sa playoff position sa Western Conference.
Nanatili ang Dallas (44-28) sa No. 5 spot sa Western Conference habang nasa No. 7 ang Minnesota (42-31).
Umiskor si Dwight Powell ng 22 points mula sa perpektong 8-of-8 fieldgoal shooting para sa Mavericks na kinuha ang 110-107 bentahe sa huling 6.5 segundo sa fourth quarter.
Ang split ni Patrick Beverley sa nalalabing 2.5 segundo ang nagdikit sa Timberwolves sa 108-110 agwat para sa final score.
Sa Philadelphia, umiskor si Tyrese Maxey ng 13 sa kanyang game-high 28 points sa fourth quarter sa 113-106 paggupo ng 76ers (44-27) sa Eastern Conference-leading Miami Heat (47-25).
Sa Oklahoma City, nagpaputok si Jayson Tatum ng 36 points sa 132-123 panalo ng Boston Celtics (45-28) sa Thunder (20-52).
Sa Chicago, umiskor sina DeMar DeRozan at Zach LaVine ng tig-26 points sa 113-99 pagsuwag ng Bulls (42-29) sa Toronto Raptors (40-32).
Sa New York, tumipa si Kevin Durant ng 37 points, 9 rebounds at 8 assists sa 114-106 pagdaig ng Brooklyn Nets (38-34) sa Utah Jazz (45-27).
Sa Cleveland, kumolekta si LeBron James ng triple-double na 38 points, 10 rebounds at 12 assists sa 131-120 panalo ng Los Angeles Lakers (31-41) sa Cavaliers (41-31).
- Latest
