Lyceum pasok sa NCAA chess finals
MANILA, Philippines — Umabante sa finals ang Lyceum of the Philippines University (LPU) sa National Collegiate Athletic Association (NCAA) Season 96 online chess tournament seniors division kahapon.
Naitala ni Lyceum ace Neymark Digno ang panalo laban kay University of Perpetual Help System Dalta bet Carl Zirex Sato sa semifinals.
Makakasagupa ni Digno sa gold-medal match si Carl Jaedrianne Ancheta ng Arellano University.
Nauna nang tinalo ni Ancheta si Adrian Othniel Yulo ng College of St. Benilde.
Maghaharap sa battle-for-bronze match sina Sato at Yulo.
Nagpatupad ang NCAA ng format kung saan 10 minuto lamang ang mga laro sa elimination round at Round of 16 habang 15 minutes naman sa semifinals at battle-for-third. Sa finals, bibigyan ng 20 minuto ang bawat kalahok.
- Latest
