Petracorta, Jam, Gate Keeper gisubha'g daog
CEBU, Philippines – Nangayo pa og dugang singko minutos kon overtime ang Petracorta Customs Brokerage una nila makuha ang 89-84 nga kadaogan batok sa Jam Customs Brokerage pagsugod sa Cebu Aduana Basketball Legends (CABL) Season 3 Dabarkads Cup 2020 niadtong Sabado diha sa Tinago gym, Dakbayan sa Sugbo.
Dumadaog unta ang Jam dihang labaw sila og dos puntos sa himalatyong segundos, 78-76, apan nabaraw kini human napatabla ni Mayor Melchor Petracorta ang iskor, 78-all nga nakapuwersa sa duwa ngadto sa overtime.
Sa dugang singko minutos, salida na tanan sa Petracorta ubos sa pagpangulo ni Takloy Moral nga mipupo og otso puntos sa overtime sa kinatibuk-an niyang 33 puntos.
Mikawat sab og salida si Francis Palero nga mibagnos og 26 puntos.
Apil sab nga misalida si Reyden Villaronza nga mipaksit og 13 puntos alang sa Petracorta.
Ang Jam nga igo lang nakaiskor og sayes puntos sa overtime, gipangulohan ni Ryan Barral nga mipabuhagay og 26 puntos.
Si Bong Mondin miamot og 14 puntos, samtang sila si Erlito Avenido ug Reggie Regidor mitampo'g 13 ug 12 puntos sa Jam.
Sa laing aksiyon, ang JD&M Customs Brokerage gisubhan sab og daog batok sa Alas Logistics Corp., 61-48.
Nagkumbinar og 38 puntos silang Victor Generalao ug Johnrey Cartagena aron mangu sa scoring sa JD&M.
Gisugat sab og daog ang Gate Keeper dihang ilang gibabagan ang YG Logistics, 59-49.
Gipangulohan ni Jojo Quiño ang Gate Keeper pinaagi sa iyang 15 puntos, gisundan ni Lito Catulpos nga adunay 10 puntos.
Si Dennis Amante mao sab ang nangu sa YG Logistics nga mikadlit og 12 puntos.
PUNTOS MATAG USA
Unang duwa:
PETRACORTA (89) – Moral 33, Palero 26, Villaronza 13, M. Petracorta 6, Lambayan 4, Batuto 3, Cañal 2, Dayon 2.
JAM (84) – Barral 26, Mondin 14, Avenido 13, Regidor 12, Monteno 4, Jovita 4, Alolod 4, Dabon 3, Espina 2.
Ikaduhang duwa:
JD&M (61) – Generalao 22, Cartagena 16, Sillar 6, Manlosa 6, Sigue 3, Beting 2, Nadal 2, Largosa 2, Gardi 1.
ALAS (48) – Guirit 8, Marata 6, Ciabo 5, N. Medalle 5, Jimera 5, Mabangue 5, Ghorz 2.
Ikatulong duwa:
GATE KEEPER (59) – Quiño 13, Catulpos 10, Rollon 6, Libran 6, Badon 6, Abao 5, Caynila 4, Gambe 3, Labores 2, Laborte 2,
Villarde 2.
YG Logistics (49) – Amante 12, Elloren 9, Dejaresco 8, Gonzales 6, Villarias 5, Viodor 3.
- Latest
