Maxey gi-aswat ang Sixers batok Hornets

CEBU, Philippines — Bisan og wala ang sinaligan sa Sixers, gipas-an ug gipadaog ni Tyrese Maxey sa iyang 38 points ang Philadelphia 76ers sa  kulbahinam nga 109-104  kadaugan batok sa Charlotte kagahapon sa buntag.

Napiangan ang Sixers sa maong duwa tungod kay wala paduwaa silang LeBron James ug Joel Embiid aron makapahuway. Pero ang star guard nga si Maxey mipabuto og 15 puntos  sa fourth quarter  atol nga nag-rally ang Sixers (6-1)  gikan sa pagkalubong og 13 points. Mao na kini ang ikaupat nilang comeback win nga sobra og 10 points karon nga season.

Nitampo pud sa team si Anfernee Simons sa iyang 19 puntos, Jaylen Brown 16.  Samtang ang Hornets giagak sa ilang reserve nga si Grayson Allen pinaagi sa iyang 27 points  ug Brandon Miller sa iyang 24 puntos.

Gipapahuway silang James ug Embiid human sila nagka-injuries sa kataposan nilang daog batok sa New York atong  Biyernes.  Ang 41-anyos nga si James dunay injury nga lower back sciatica ug si Embiid nihubag ang tulo nga tiil. Nahipos ni Maxey ang 19 puntos sa first-half para makalabaw ang Sixers 57-54 sa halftime.

Sa pagsugod sa second half, niarangkada ang Charlotte pero ang duh aka free throws ni Maxey sa nahibiling 1:22 nga oras nakapalabaw og balik sa Sixers 102-101. Ang step back 3-points ni V.J. Edgecombe ug laing duha ka free throws pa gyud ni Maxey 107-101 sa nahibiling 23.8 segundos.

Nakapasulod pa unta 3-points si Miller para sa Hornets pero nakapasulod sad og duha ka free throws si Brown nga nagselyo sa duwa. — IBM