Go for Gold riders palaban sa Ronda
MANILA, Philippines — Dadalhin nina Daniel Ven Cariño, Carcueva, Isamel Grospe Jr. ang bandera ng Go for Gold para sa pagpadyak ng LBC Ronda Pilipinas 10th anniversary race sa Pebrero 23 sa Sorsogon at magwawakas sa Marso 4 sa Vigan, Ilocos Sur.
Sila ang mga top 10 finishers ng Go for Gold sa nakaraang mga karera.
Makakatuwang ng tatlo sina team captain Ronnel Hualda, Jericho Jay Lucero, Marc Ryan Lago, Ronnilan Quita at Rex Luis Krog sa nasabing isang dekada nang karera na may premyong P1 milyon para sa magkakampeon.
“The guys have improved since we first took them and while our target is modest this year, I will not be surprised if we will give the favored teams serious challenge,” wika ni Go for Gold coach at manager Eds Hualda.
Ayon pa kay Hualda, patuloy silang naghahanap ng mga batang talento na maaaring maging miyembro ng national team.
“That has been the goal by Go for Gold since the team was first formed. And we will never stop until we find and make them champions,”ani Hualda.
Makakatapat ng Go for Gold ang Standard Insurance (Navy) squad nina dating titlists Jan Paul Morales at Ronald Oranza at sa tatlo pang dating Ronda winners na sina Santy Barnachea ng Scratch it, Mark Galedo ng 7Eleven Cliqq-Air21 ng Roadbike Phil at Reimon Lapaza ng Celeste Cycles-Devel Project Pro Team.
Ang iba pang tropang sasabak sa 10-stage race na inihahandog ng LBC at suportado ng Manny V. Pangilinan Sports Foundation ay ang Bicycology (Army), Bike Xtreme, Tarlac/Central Luzon, Ilocos Sur, South Luzon/Batangas at Nueva Ecija.
- Latest
