Badminton Asia Manila C’ships papalo na

MANILA, Philippines — Nagkaroon ng suwerte ang Pilipinas sa redrawing ng groupings na ginawa para sa 2020 Badminton Asia Manila Team Championships na magsisimula ngayon sa Rizal Memorial Coliseum.

Nakatakda sanang makasama ng grupo nina Joper Escueta, Ariel Magnaye, Alvin Morada, Solomon Padiz Jr., Paul John Pantig, Ros Pedrosa, Arthur Salvado at Lanz Zafra sa Group C ang top seed Indonesia at fifth-ranked India.

Ngunit dahil sa redrawing ay makakasama ng mga Pinoy shutters sa Group C ang Chinese-Taipei and Singapore.

Isinagawa ang reclassification ng mga koponan dahil sa pag-atras ng mga tropa ng China, Hong Kong at India’s women’s squads sa biennial meet.

Ang Group B ay binubuo ng India, Malaysia at Kazakhstan. Ang women’s team nina Nicole Albo, Sarah Barredo, Mika De Guzman, Geva De Vera, Ysay Leo­nardo, Chanelle Lunod, Bianca Carlos at Thea Pomar ay nasa Group C kasama ang mga Southeast Asian squads Thailand at Indonesia.

Samantala, tiniyak ng Badminton Asia at Philippine Badminton Association (PBA) ang seguridad sa kalu­su­gan sa lahat ng mga manonood at mga opisyales lalung-lalo na ang mga manlalaro sa Asia Manila Team Championships.

Sinabi ni PBA secretary-general Christopher Quim­po na ginawa nila lahat ng mga hakbang para sa kalusugan ng mga atleta dahil sa banta ng 2019 novel coronavirus-accute respiratory desease (NCOV-ARD).