Casimero gibaharan

Nanganti si WBO bantamweight world champion  Zolani Tete nga iyang pakamangon ang mandatory challenger ug two-division world champion nga si Johnriel Casimero  sa ilang sangka karong Nobiyembre 30 didto sa England.

Ang WBO mimando na og mandatory bout tali sa duha human gilabni ni Casimero ang interim title pinaagi sa pagtumba ni Ricardo Espinoza niadtong Abril ug gisundan sa iyang malampusong title defense batok ni Cesar Ramirez niadtong Agosto 24 diin midaog gihapon siya pinaagi sa TKO.

Si Tete nagbitbit og rekord nga 28-3, 21KOs, samtang si Casimero  adunay 28-4, 19KOs nga baraha.