Marinero, CEU asam ang semis
MANILA, Philippines — Target ng Marinerong Pilipino at Centro Escolar University na maibulsa ang unang dalawang silya sa semifinals sa pagharap sa magkaibang karibal ngayong hapon sa pagsisimula ng 2019 PBA D-League quarterfinals sa Ynares Sports Arena sa Pasig City.
Makakaharap ng Skippers ang AMA Online Education sa ala-1:30 ng hapon habang titipanin ng Scor-pions ang Asia’s Lashes sa alas-3:30.
Parehong armado ang Marinerong Pilipino at CEU ng twice-to-beat card kaya’t isang panalo na lamang ang kailangan ng dalawang top seeded teams sa Group A para makapasok sa Final Four.
Galing ang Skippers sa 88-74 panalo sa Scorpions noong Lunes para makuha ang No. 1 spot sa kanilang grupo tangan ang imakuladang 6-0 marka.
Nahulog naman sa 5-1 ang Scorpions para hawakan ang No. 2.
Determinado rin ang Marinerong Pilipino na bigong makausad sa semis sa nakalipas na kumperensiya – ang kanilang unang non-Final Four appearance sapul nang sumabak ito sa liga noong 2017.
- Latest
