1st Ahedres Pilipinas lalarga sa Dapitan
MANILA, Philippines — Layunin ng Ahedres Pilipinas na matulungan ang mga kabataan na mapataas ang antas ng kanilang kaalaman at abilidad sa chess.
Ang grupo ang pinakabagong chess organization na produkto ng pagtityaga at sakripisyo ng mga chess players na sina National Master Christian Nazario, NM Christy Lamiel Bernales at Christian Anthony Flores.
“Gusto po naming mas maraming kabataan ang mabigyan ng pagkakataon na makapaglaro ng chess at maipakita ang kanilang kakayahan,” sabi ni Nazario, dating varsity player sa University of Santos Tomas, sa kanyang pagbisita sa ‘Usapang Sports’ ng Tabloids Organization in Philippine Sports (TOPS) kahapon sa National Press Club (NPC).
Isusulong ang 1st Ahedres Pilipinas Chess Team competition sa Linggo sa Dapitan Sports Complex, sa Instruccion St. Sampaloc, Manila.
“Each team composed of four players who have an average rating of 2100,” sabi ni Nazario.
Premyong P30,000 at tropeo ang matatanggap ng magkakampeon sa torneo.
- Latest
