Big City athletes paborito uli sa Palaro
DAVAO CITY, Philippines — Muling inaasahan ang pagdomina ng National Capital Region sa 2019 Palarong Pambansa na opisyal na bubuksan ngayong hapon dito.
Noong nakaraang edisyon ng taunang sports meet ay humakot ang mga Big City athletes ng kabuuang 100 gold, 70 silver at 50 bronze medals para hirangin bilang overall champion sa ika-14 sunod na taon.
Nasa ilalim ng NCR ang Calabarzon (55 golds, 50 silvers at 73 bronzes) kasunod ang Western Visayas (46-45-55), Central Visayas (26-25-36) at CAR (25-22-23).
Samantala, makulay na opening ceremony ang matutunghayan para sa pagsisimula ng 2019 Palarong Pambansa.
Ang annual sports event ay may temang “Shaping the Future Through Sports” at inaasahang dadaluhan ni Pangulong Rodrigo Duterte bilang keynote speaker.
Una at huling hinawakan ng Davao City ang Palarong Pambansa noong 1950 kung saan kilala pa ito bilang Bureau of Public Schools Interscholastic Athletics Association Games (BPISAA).
Tiniyak ni Davao City Sports Division head Mikey Aportadera ang matagumpay na pangangasiwa ng probinsya sa naturang sports event.
- Latest
