Porzingis, Doncic higtan sa Mavs

CEBU, Philippines — Dili pa man tuod makaduwa si Kristaps Porzingis uban sa bag-o niyang teammate nga si Luka Doncic sa Dallas Mavericks karong season, apan plano ni team owner Mark Cuban nga higtan sila sa mosunod nga 20 ka tuig.

Mao kini ang gipadayag ni Cuban atol sa usa ka press conference kagahapon aron pormal nga ipaila-ila  ang bag-o nilang nakubit nga mga players nga naglangkob nilang Porzingis, Tim Hardaway Jr., Courtney Lee ug Trey Burke.

Ang 23-anyos nga si Porzingis ug ang 19-anyos nga si Doncic nag-abot kanhi sa European league ug karon pareho silang gibati og tumang kahinam nga magsul-ot og parehong uniporme.