Bulls mipalagpot ni coach Hoiberg
CEBU, Philippines – Gitaktak sa Chicago Bulls ang head coach nilang si Fred Hoiberg gumikan sa dili maayong dagan sa ilang kampanya pagsugod sa NBA season nga nagduso kanila duol sa tiilan sa Eastern Conference standings.
Ang kadagkoan sa Bulls mipahibalo pinaagi sa usa ka opisyal nga pamahayag nga si Hoiberg hulipan sa ilang assistant coach nga si Jim Boylen sa tinguha nga mapapas ang ilang demalas.
Ang Bulls nagtingkagol karon sa tumoy nga bahin sa standing gumikan kay lima pa ang daog nga gi-atbangan og 19 ka pilde.
Ang 46-anyos nga si Hoiberg gitudlo nga Bulls head coach niadtong 2015-2016 season.
Sud sa tulo niya ka tuig, ang Bulls wala makasud sa playoffs duha ka higayon ug napilde sa unang hugna sa playoffs.
Sa 246 niya ka duwa uban sa Bulls, si Hoiberg miposte og 110 ka daog ug 136 ka pilde.
- Latest
