Kahit wala na ang 3 key players, La Salle target ang ‘four-peat’

MANILA, Philippines — Sa loob ng tatlong su­nod na taon ay walang ma­katibag sa De La Salle Uni­versity.

Nakumpleto na naman ng Lady Spikers ang ma­tamis na ‘three-peat’ nang patumbahin ang Far Eas­tern University Lady Ta­maraws sa bendisyon ng matamis na sweep sa UAAP Season 80 wo­men’s volleyballl best-of-three championship series.

Unang itinarak ng La Salle ang 29-27, 25-21, 25-22 panalo sa Game One noong Sabado na sinundan ng 26-24, 25-20, 26-24 demolisyon sa Game Two no­ong Miyerkules.

Ang solidong sistema at malalim na karanasan ang nagsilbing armas ng Lady Spikers para makamit ang tinatamasa nilang ta­­gumpay.

Sa eliminasyon pa lang ay dumaan na sa matin­ding pagsubok ang La Salle par­tikular na nang matalo sa Adamson University.

Tinukoy pa ni Lady Spi­kers mentor Ramil De Je­sus na “pam-barangay” lang ang laro ng kanyang ba­taan.

“Alam naman ng mga ba­­ta kung ano ang ibig sa­­­bihin ko doon, pinalaki lang ng iba. Hindi ko lang na­­gustuhan ‘yung performance nila. Pero nag-work naman,” ani De Jesus.

Ito ang nagsilbing wake-up para sa Lady Spikers lalo na sa mga graduating players na sina Kim Kianna Dy, Majoy Baron at Dawn Macandili.

Desidido ang La Salle na maipagpatuloy ang ka­nilang dominasyon sa susunod na season.

Ngunit muling masusu­bukan ang magic ni De Je­sus dahil mawawala na sa lineup sina Dy, Baron at Macandili na malaki ang naging parte para mapa­natili ang ka­nilang kampeo­nato.

Masuwerte ang Lady Spi­kers dahil maraming pu­­­wedeng pumuno sa ma­­­babakanteng puwesto ng tatlo.

Nariyan ang power-hitter na si May Luna na ma­aaring maglaro bilang open hitter o opposite spiker at na­­ramdaman na rin ang la­kas ni substitute middle blocker Norielle Ipac.