Painters, Texters umabante
MANILA, Philippines – Hindi na pinaporma ng No. 3 Rain or Shine ang No. 10 Blackwater.
Nakahugot ng double-figures sa apat na players, tinalo ng Elasto Painters ang Elite, 95-90, sa kanilang quarterfinals showdown sa 2015-2016 PBA Philippine Cup kagabi sa Mall of Asia Arena sa Pasay City.
Ang panalo ang nagpasok sa Rain or Shine, humawak ng ‘twice-to-beat’ advantage kontra sa Blackwater, sa knockout stage.
“One game down, one to go. If we wanna make the semifinals we have to play better than we did today,” sabi ni Elasto Painters’ coach Yeng Guiao.
Umiskor si Jeff Chan ng 17 points kasunod ang 16 ni JR Quiñahan at tig-11 nina rookie guard Maverick Ahanmisi at Raymond Almazan.
Isinuko ng Elasto Painters ang itinayong 15-point lead sa second period bago nakalapit ang Elite sa pagtatapos ng third quarter, 60-69.
Nakabalik ang Blackwater sa likod ni guard Carlo Lastimosa, umiskor ng 35 markers at nabigong pantayan ang kanyang career-high na 38 points.
“It was a great effort by one guy buti na lang he didn’t get enough support from the others. We couldn’t stop him (Lastimosa),” sabi ni Guiao sa dating kamador ng St. Benilde Blazers sa NCAA.
Sa ikalawang laro, nagtuwang sina Jayson Castro, No. 2 overall pick Troy Rosario at Danny Seigle sa final canto para tulungan ang No. 6 Talk ‘N Text sa 90-88 pagsibak sa No. 7 NLEX.
Maglalaban ang Elasto Painters at ang Tropang Texters sa isang knockout game para sa maghahamon sa No. 2 San Miguel Beer sa best-of-seven sa semis series.
Samantala, magtutuos naman ang Barangay Ginebra at Globalport sa knockout stage para madetermina ang haharap sa No. 1 Alaska Aces sa isa pang semis series.
Ang game-winning three-point shot ni LA Tenorio ang gumiya sa No. 4 Gin Kings sa 92-89 overtime win laban sa No. 9 Star Hotshots, habang tinalo ng No. 5 Batang Pier ang No. 8 Barako Bull, 94-85, noong nakaraang Sabado.
Rain or Shine 95 - Chan 17, Quinahan 16, Ahanmisi 11, Almazan 11, Cruz 9, Norwood 8, Belga 7, Tiu 6, Ponferada 4, Trollano 4, Ibanes 2, Teng.
Blackwater 90 - Lastimosa 35, Dela Cruz 11, Erram 11, Reyes 9, Gamalinda 6, Agovida 5, Cortez 5, Golla 4, Ballesteros 2, Melano 2, Canada 0, Vosotros 0.
Quarterscores: 17-14; 44-34; 69-60; 95-90.
Talk ‘N Text 90 - Rosario 20, Seigle 17, Reyes R. 12, Castro 10, Fonacier 10, Williams 9, Miranda 3, Tautuaa 3, Aban 2, Carey 2, Rosser 0, Reyes J. 0.
NLEX 88 - Taulava 22, Anthony 17, Villanueva J. 13, Lanete 9, Alas 7, Borboran 7, Khobuntin 7, Cardona 5, Enciso 1, Camson 0, Reyes 0.
Quarterscores: 11-21; 36-36; 61-67; 90-88.
- Latest
