E-Painters lider na
MANILA, Philippines - Bagama’t patuloy na hindi nakukuha ang serbisyo ng may injury na si combo guard Paul Lee, halos wala namang epekto ito para sa Elasto Painters.
Sinolo ng Rain or Shine ang liderato nang gibain ang Mahindra, 108-94, para sa kanilang ikalawang sunod na panalo sa 2015 PBA Philippine Cup kagabi sa Smart Araneta Coliseum.
Sa kabila ng pagtatala ng 2-0 record ay hindi pa rin kuntento si coach Yeng Guiao sa inilaro ng kanyang Painters laban sa Enforcers na nakalamang ng double-digit sa first period.
“We cannot keep doing that. We have to have strong start,” sabi ni Guiao, nakahugot kina rookie guard Maverick Ahanmisi at JR Quiñahan ng tig-14 points.
Naisalpak naman ni Filipino boxing superstar at Mahindra playing coach Manny Pacquiao ang kanyang kauna-unahang puntos bilang isang professional basketball cager.
Tumipa ang 5-foot-6 na si Pacquiao ng isang long jumper laban kay Chris Tiu sa 10 minuto ng second period para sa kanilang 27-25 abante.
Pinamunuan ni Karl Dehesa ang Enforcers sa kanyang 20 points kasama ang apat na three-pointers.
Samantala, tumapos si James Yap ng 19 puntos upang ihatid ang Star Hotshots sa 86-78 paggiba sa Barangay Ginebra sa ikalawang laro.
Rain or Shine 108 – Ahanmisi 14, Quiñahan 14, Chan 12, Cruz 12, Belga 11, Almazan 9, Tiu 8, Trollano 8, Ponferada 7, Teng 6, Ibañes 4, Norwood 3, Matias 0, Nimes 0.
Mahindra 94 – Dehesa 20, Ramos 14, Revilla 14, Canaleta 11, Guinto 11, Yee 11, Jaime 6, Laure 2, Pacquiao 2, Pinto 2, Pascual 1, Alvarez 0, Bagatsing 0, Hubalde 0.
Quarterscores: 23-25; 48-44; 79-64; 108-94.
Star 86 - Yap 19, Barroca 12, Simon 12, Torres 8, Melton 7, Mallari 6, Pascual 6, Pingris 6, Sangalang 5, Maliksi 3, Reavis 2, Pascual 0, Taha 0.
Ginebra 78 - Slaughter 28, Aguilar 26, Ellis 5, Salva 5, Thompson 5, Caguioa 4, Brondial 2, Mariano 2, Devance 1, Helterbrand 0, Mercado 0, Tenorio 0.
Quarters: 37-13, 58-38, 71-52, 86-78.
- Latest
