RDAK nakatabla, Landmasters 3rd na
CEBU, Philippines – Buhi pa ang RDAK Stallions human makabawos sa Petron Goldberry, 79-72 aron pagpuwersa ngadto sa rubbermatch sa ilang ‘best-of-three’ finals series sa 20th SHAABAA Cup basketball tournament niadtong Domingo didto sa Magis Eagles gym sa Sacred Heart School-Ateneo de Cebu sa barangay Canduman, Mandaue City.Si Jair Igna, kinsa miposa og 32 puntos maoy nangu sa Stallions, gisundan ni Flacher Galvez nga milansang og 15 puntos, samtang si Arvid Jason Ong miamot og 10 puntos.
Ang Goldberry gipangulohan sab ni Ed Macasling, kinsa miburak og 24 puntos, si Justin Huang mitampo’g16 puntos ug si Dave Ting midugang og 12 puntos.
Sa laing duwa, ang Cebu Landmasters midaog batok sa Bayfront Hotel Cebu, 99-76 aron maangkon ang ikatulong puwesto.
Silang Daryl Tan ug Kyle Valmoria maoy nangu sa Landmasters nga nagkumboya’g 45 puntos, samtang ang Bayfront gipangulohan sab ni Eduard Cabahug, kinsa mibahog og 27 puntos.
Puntos Matag Usa
Unang duwa:
Cebu Landmasters (99) – Tan 24, Valmoria 21, Consunji 10, Dela Cruz 10, B. dela Cruz 8, Lim 6, Casenas 6, Lopena 6, Yong 6, Panal 2.
Bayfront Hotel Cebu (76) – E. Cabahug 27, V. Uy 16, Cokaliong 11, Datan 8, Uy 4, Gabuya 4, El. Gabuya 2, El. Cabahug 2, Basenio 2.
Ikaduhang duwa:
RDAK Stallions (79) – Igna 32, Galvez 15, Ong 10, Ecarma 9, Co 6, Gaviola 5, Saceda 2.
Petron Goldberry (72) – Macasling 24, Ju. Huang 16, Ting 12, Shan 6, Dixon 5, Je. Huang 2, Roma 2. (BANAT NEWS)
- Latest
