Team Rama abante sa ikaduhang puwesto

CEBU, Philippines – Wa'y kukalooy nga gipabaha ug giyabo sa Team Rama ang MCWD pinaagi sa pag-iskor og 92-55 nga masaker kaniadtong Domingo atol sa nagpadayon nga Guadalupe Athletic Association (GAA) Above 50 basketball tournament didto sa Guadalupe Sports Complex.

Sa laing duwa, midaog ang Blessel-Tungkil batok sa Punta Princesa, 69-53 aron makatabla sa ilang biktima sa 2-2 nga kartada samtang sa primerong duwa, midaog ang Lucky 40 batok sa Tejero-Haojue sa iskor, 75-64 aron sab maghupot og 2-2 record.

Silang Al Misa ug Andot Fuentes maoy nangu sa Team Rama sa ilang 18 ug 17 puntos matag usa samtang midugang og 10 puntos si Freddie del Campo.

Ang MCWD kinsa wala gihapo'y daog sulod sa upat ka duwa sa ilang 0-4 record, gipangulohan ni Gene Tabar sa iyang 11 puntos.

Ang laing team nga dunay 0-4 record mao ang Tejero.

Sa laing duwa, misakmit og 19 puntos si Nilo Dandan aron pangulohan ang Blessel-Tungkil samtang si Yokyok Alesna maoy nangu sa Punta Princesa sa iyang 10 puntos ug bugtong sila lang maoy player sa ilang team nga mihimo'g double figures.

Puntos matag usa:

First Game:

Lucky 40 (75) — Gabunada 16, Iway 14, Escuyos 10, Pandong 10, Postrero 7, Monsanto 4, Rama 4, Labra 4, Miego 3, Lopez 3.

Tejero-Haojue (64) — Pistolante 24, Francisco 14, Dela Cerna 8, Baldago 5, Rizzarri 3, Ong 2, Viajedor 2, Amin 2, Arciaaga 2, Salcedo 2.

Second Game:

Team Rama (92) — Misa 18, Fuentes 17, Del Campo 10, Numio 8, Diaz 8, Reyes 6, Mabalcon 5, J. Rama 4, Lim 4.

MCWD (55) — Tabar 11, Libor 11, Abanilla 10, Cempron 6, Lataza 4, Bascon 4, Rago 2.

Third Game:

Blessel Tungkil (69) — Dandan 19, Yares 16, Dela Pena 8, Paculaba 8, Canete 8, Tacio 4, Bastida 2, Alinabon 2, Camota 2.

Punta Princesa (53) — Alesna 10, Arias 9, Abarquez 7, Diola 7, Ylaya 7, Tudtud 6, Babatid 3, Taboada 2,  Pascua 2.