Djokovic pinamunuan ang mga seeded players

MELBOURNE, Australia – Pinangunahan ni No­vak Djokovic ang mga top men’s seeds papasok sa second round ng Austra­lian Open.

Pinatumba ng World No. 1 na si Djokovic si Aljaz Bedene via straight sets sa kanyang hangad na pang-limang titulo sa Melbourne Park.

Umiskor ang Serb top seed ng 6-3, 6-2, 6-4 pana­lo laban sa 116th-ranked na Slovenian para makaharap sa second round ang sinuman kina Russian Andrey Kuznetsov o Albert Ramos-Vinolas ng Spain.

“It’s fading away. It hasn’t been an ideal couple of weeks in terms of health and preparation,” sabi ni Djokovic sa kanyang lagnat.

Binasag ng seven-time Grand Slam champion ng apat na beses ang serbisyo ni Bedene at may tatlong break points lamang sa kan­yang sariling serbisyo pa­ra sa panalo niya.

Ang iba pang umaban­te sa second round ay sina Roger Federer at Rafael Na­dal.

Tinalo ni Federer, ha­ngad ang kanyang pang-li­mang Australian crown at ika-18 Grand Slam title, si Lu Yen-Hsun ng Tiwan, 6-4, 6-2, 7-5.

Pinabagsak ng 14-time Grand Slam champion na si Nadal si Russian Mikhail Youzhny, 6-3, 6-2, 6-2.

Nagposte si sixth seed Andy Murray ng 6-3, 6-4, 7-6 (7/3) tagumpay kontra kay Indian Yuki Bhambri.

Nagmartsa rin sa se­cond round si Stan Wawrinka matapos gibain si Marsel Ilhan, 6-1, 6-4, 6-2.

Hindi pa natatalo ang No. 100 ranked na Swiss sa first round sa kanyang 10 beses na paglalaro sa Australian Open.

“It was great to be back on Rod Laver Arena again, it brings back so many me­mories from last year,” sa­bi ni Wawrinka.

Ipinagpatuloy ni Japanese star Kei Nishikori ang kanyang pamamayagpag makaraang talunin si Spa­niard Nicolas Almagro, 6-4, 7-6 (7/1), 6-2.

Nakipaglaban ang Ja­panese fifth seed kay Almagro bago mangibabaw sa second-set tiebreaker ka­sunod ang pagwalis sa third at final set.

“Nicolas could be see­ded player, and I know he was injured, but I was get­ting more balls,” wika ni Ni­shikori.