Team-C gisubha'g daog sa SB1C Summer League 2014

CEBU, Philippines -  Gisubha'g daog ang Team-C pinaagi sa paglubong sa Team-D, 105-76 pagsugod sa Sambag 1 Basketball Club (S1BC) Summer League 2014 didto sa Sambag 1 Gym sa sitio Tangkongan, barangay Sambag, Cebu City.

 Upat ka players ang miiskor og double figures alang sa Team-C, kinsa miposte'g 13 puntos sa  halftime, 49-36.

 Gipangulohan kini ni Roel 'Bangus' de Guzman, kinsa mikadlit og 31 puntos, gisundan ni  Sidney Mancao nga adunay 24 puntos, samtang sila si Rudito Panta ug Edwin Mabanto nagkumboya'g  22 puntos.

 Si Capt. Lemar Alcover  mao sab ang topscorer sa Team-D sa iyang 18 puntos. Sila si Jerry Calonia ug Alexander Saballa mitampo'g 14 ug 10 puntos matag usa.

 Sa laing aksiyon, ang  Team-B gisugat sab og daog batok sa Team-E, 72-68 sa pagpangulo ni Jamie Iligan nga mikadlit og  16 puntos, gisundan ni Neil Tiempo nga miariya'g 15 puntos.

 Si Allan Abella mao lang ang bugtong scorer sa Team-E nga nakahimo'g double figures pinaagi sa iyang 16 puntos.

 Sa main game, ang Team-F walay kukaluoy nga milubong sa Team-A, 80-68.

 Si Ernest Arriola maoy nangulo sa Team-F nga miratsada'g 14 puntos. Si Leo Geraldizo mipupo'g 12 puntos, samtang sila si Bert Pardo ug Darwin Mabanto adunay tag-10 puntos.

 Sa pilderong Team-A, ang topscorer mao si Ramesh Mulchandani nga mikamada'g 14 puntos. Sila si Jose Santarita ug Ruben Villarba mitimbre'g 11 ug 10 puntos matag usa.

PUNTOS MATAG USA

Unang duwa:

 TEAM-C (105) – R. De Guzman 31, Mancao 24, Panta 12, E. Mabanto 10, Sareno 8, J. De Guzman 5, Abejo 4, Cordova 4,

Rodriguez 4, Cabugnason 3.

 TEAM-D (76) – Alcover 18, Calonia 14, Saballa 10, Laurez 8, Toledo 4, Sastrellas 4, Pacio 4, Llaguno 4, Alcarez 4, Agunias 2,

Reyes 2, Naborte 2.

Ikaduhang duwa:

 TEAM-B (72) – Iligan 16, Tiempo 15,  Galon 8, Montinola 8, Enriquez 6, Lasquites 6, Kasayan 2, Cavan 2, Hermosisima 2,

Fernandez 2, Cuizon 1.

  TEAM-E (68) – A. Abella 16, Postrero 9, Verano 9, Bucao 8, Amulo 6, Torrefiel  4,  J. Abella  3, Cane 2, Garbo 2, Lauron 2,

Cachero 2, Limana 2, Gabutan 2.

Ikatulong duwa:

 TEAM-F (80) – Ariola 14, Geraldizo 12, Pardo 10, D. Mabanto 10, Mandoza  8, Alesna 8, Doverte 6, Arbiol 4, Taboada 4,

California 2, Santiago 2.

 TEAM-A (68) – Mulchandani 14, Santarita 11, Villarba 10, Baran 8, Tautho 8, Bebillo 5, Wadi 4, Badion 2, Bayonita 2, Dayondon

2, Clemen 2.