Clear Dream Match regional tryout sa Cebu sa Marso 21
CEBU, Philippines - May kahigayonan ang mga aspiring Cebuano football players nga makaduwa uban ang mga European legend nga sila si Paul Scholes ug Andy Cole kun makalusot sila sa regional tryout sa Clear Dream Match karong Marso 21 didto sa Aboitiz SportsField sa Brgy. Subangdaku, Mandaue City.
Sila si Scholes ug Cole moduwa sa katapusang edisyon sa Clear Dream Match uban sa Team Phil o Team James Younghusband sa Hunyo 7 didto sa Manila.
"Clear Dream Match 3 will be the most competitive game yet,as only the best football players in the Philippines will get to participate," matud pa ni Clear Brand manager Drew Copuyoc atol sa press conference kagahapon didto sa Patio Isabel sa Banilad.
Gawas sa Sugbu, ang Clear mopahigayon sab og tryout sa Iloilo sa Marso 23, Davao sa Marso 29 ug Manila sa Marso 30.
Ang tryout limitado lang sa unang 100 ka registrants nga nag-edad og 17-anyos pataas.
Gikan didto, ang mga partisipante hashasan ngadto sa top eight sa United Football League (UFL) coaches sa dili pa sila makasalmot sa three-day camp nga pangulohan nila ni Scholes ug Cole.
Niadtong interesado, mahimong mobisita sa http://www.cleardreammatch.com.ph/ o parehistro didto sa Cebu Football Association (CFA) office. (BANAT NEWS)
- Latest
